| |
|||
| prosody | miscellaneous |
Mal o fai domna cant d'amar s'atarja Mentr'es joves, e·l color fresc e blanc' E las tetinas duras ses tot embarc, E·l ventr'es planz, senz ruas e senz comba E·l conz es gros e·il pelet esta·n som, A las ancas planas per meils jazer, E·ls pes petitz e·l oils clars e rizens E·l cors fresqetz e·l pel saur en la testa. Pois s'en repen, cant ilh ha la pel larja Qe li ruon li costat e li flanc, Et a los oils plus vermeils d'un envarc E·l cap canut e par de col retomba, Et a perdut tot son prez e son nom, Adoncas vol zo qe nom pot aver. Mas mentr'en leis es beutatz e jovenz, Qi la enqier no s'o ten ges a festa. |
Metrical pattern: 879