| |
|||
| prosody | miscellaneous |
Aital chansoneta plana Que mos filhols entendès E chascus s'i deportés, Fera, si far la saubés! Mas no·i posc esdevenir, Que d'alres consir, On m'aten mais. Trop m'es m'amia lonhdana, Vas que·l dezirers m'es prezès, E no sai consi·m cres Que nostr'amors s'avengues. Pechatz la·m fetz encobir Qu'er m'en a morir, Coras que·m lais. Si·m fos d'amar tan umana Com eu sui, be cut m'amès. De talan volgra·m chamjes Bo·m fora, s'a leis plagues! Mas alhons se fai grazir Tan que·m par que·s vir, E vira·l jais Non es amors per ufana, Mas no vol qu'eu m'en vanès! Pero si·m dis que chantes Si c'om non o conogues, E, pos ven, o sai cobrir, - ja no se n'air - S'eu m'en sui gais. De loncs tems non agra chana, Si s'amor no m'enveiès No ja, si totztems visqués E fora jocs, s'ilh temsés Que·m volgues de leis partir! Eu no volh ges dir Qu'es en biais. Si noca s'es chastelana, Mais l'am que tal que·m laissès, E, ja res de que cudés A cocha no paregués, Be·s deu om d'aisso servir Voler e jauzir, Ans que·s n'abais Per pauc ma bocha no vana, Si·l cor tan non o doptès, D'aco don consir adés E, que ja no·m vengues bés, Leus sui ad enfoletir Ab so gen mentir! Qu'ela m'atrais Lai on pretz floris e grana, Volgra trobar qui·m portès Mo sonet e no·n mudés A Mo-Joi e no dissés Que·m cudes engasconir, Mas er mo fre vir De sai Chablais. Bela, sai en Vianés No volh mais joia gequir Ni engasconir, Per que·m n'apais. |
Metrical pattern: 822