| |
|||
| prosody | miscellaneous |
De bels digz menutz frays Aver et escudar Non cuger'ieu trobar. Sobeiras ia fon l'ans! Per so·s passet mos chans En patz iostals aussors; E si·m fos er honors D'eix lo trebalh cobrar, Trop volgra mais donar Mos gais sonetz ioyos Ab bel ditz et entiers, Entendables e plâs, Que trop escurs ni sobrestoriâs. E ja no·m for enpays D'eix region tornar, S'ieu cuges encontrar Bellas mas non per guans. Mas falhitz es bobans E pretz e bon'amors E respiegz de senhors D'acuylhir e d'onrar. De que puesc doncs chantar? Que·l chan ja·l fai razos O·l noms es messongiers; Qu'el temps dels anciâs Ioys chans ensems eron quo·l palh'e·l grâs. Tans n'i vey dels estrays Del belh galaubejar Que no·m n'aus amparar. - Per que? - No m'o demans, Que savis iest e grans; Que ioys es en decors. Non tanh neys als menors Tals res a demandar. Cuj ves tu conortar, Tan sia guays ni pros? Pero manhs cavaliers Abaissa fagz vilâs E torna·l nom desobre soteirâs. De Bordel tro Lamays No vuelh plus esperar, ...................................... Qu'ades m'es pretz mos chans. Laissa.m! No·m plaj mazans Senes razonadors! Tant es lo mescaps sors, No faj a razonar. Be·m puesc meravilhar, Que sols nada·l peissos! En totz bos autz mestiers M'aib aissel rovilhâs A ben triar los brezilhatz dels sâs. Re no·m val us sols trays Al pas desencombrar. Totz m'en cugei laissar; Mas venra l'Alamans, L'adregz e·l benestans, Miralhs e guitz e flors D'autres emperadors, E creis per gran afar. Pueis auziretz passar Per luex e per sazos Mals pas e mals sendiers Ties ab Castellâs, De nom partitz e de cosselh propdâs. Tot salhira l'aguays, Que no·l puesc pus celar, Per que pert l'alegrar; Que vey far don ve·l dans, Per que suj malanans. Quar o truep els aussors Don cugei que fos sors De ben-acosselhar, Tro que l'auzi bailar Contra me sos peos A tal que·m fo sobriers. No vuelh dir que trefâs, Si tot, s'o fos, ieu·m calera per mâs. No·m fauc de mans lor ays A be-mas taynar, Quan ieu vuelh sermonar. C'auia, quar sermonans Mi bat, selh non-fezans: Qu'ieu no vuelh refeitors Ni reglas de colors; Quar ja per sopleyar, S'ab fin cor ferm e clar, Ni per trop capairos No sera·l frair entiers Nj verais ni certâs, Si·l dreit no siec e no·l guida la mâs. |
Metrical pattern: 709