| |
|||
| prosody | miscellaneous |
Tan franc cors de dompn'ai trobat A Villafranca e tan plazen, Qe m'acoilli tan francamen, Qe de franc m'a son serf tornat. Mas franqeza com m'adui a servir, Qe.m deuria, s'eu era sers, franqir Car dompna pros ab sa franca douzor Cor d'ome franc fai leu son servidor. S'ieu agues ges de franqetat, Eu amera son franc cors gen, Mas no ai tan franc ardimen D'entendr'en tan franc'amistat! Mas son franc pretz sivals farai auzir, Tan qe mains francs farai sers devenir De lei, cui am francamen ad honor, Ab fi cor franc, mas no en dreit d'amor. Dompna, ia mais no voill francs devenir De vos honrar francamen e servir, Q'eu fora fols, pois ai tan franc seignor, Si franqetat demandava maior. |
Metrical pattern: 577o