| |
|||
| prosody | miscellaneous |
L'autre jorn m'en pogei el cel, Qu'anei parlar a Saint Miquel Don fui mandatz; Et auzi u clam que·m fo bel: Era l'aujatz. Sainz Julias venc denan Deu E dis: "Deus, a vos me clam eu, Com hom forzatz, Deseritatz de tôt so feu E malmenatz. Car qui be voli' albergar De mati·m solia pregar Que·ill fos privatz; Era no·il pose conseill donar Ab los malvatz. Qu'aissi m'an toit tot mo poder Qu'om no·m prega mati ni ser; Neis lor colgatz Laissan mati dejus mover; Be sui amtatz. De Tolzan ni de Carcases No·m plaing tan fort ni d'Albiges Com d'autras fatz; En Cataloingn' ai totz mos ces E·i sui amatz. En Peiregorc e'n Limozi, — Mas lo coms e reis los auzi — Sui ben amatz. Et a'n de tais en Caerci Don sui pagatz. De Roergu'e de Gavalda No·m clam ni·m lau qu'aissi s'esta; Pero assatz I a d'aquels qu'usquecs mi fa Mas voluntatz. En Alvergne ses acoillir Podetz albergar, e venir Desconvidatz; Qu'il non o sabon fort gen dir, Mas be lor platz. En Proenza, els sos baros Ai ben encara mas razos. No·m sui clamatz De Proensals ni de Gascos Ni trop lausatz. Anc de Vivares non aie clam Qu'oms estrainz agues set ni fam N'i fos cochatz. ............" |