prosody | miscellaneous |
Aitant sert con ha tres leguas D'Arle entro Tharascon Son tres cauzas, sert en son, A c'om conoys donnas peguas: L'una es can fug solas De cels en cuy fos honrada! L'autra es cant hill retras Al marit qui l'a preguada! La tersa es .i. pauc fada: Cant hom per ellas deissent E non o sabon grazir, Per qu'en fan mans endurzir De far aquell onrament. Per qu'ieu prec, vailha ho non vailha, Cascuna si gart de failha. |