| prosody | miscellaneous |
Belha dompna plazens: ai Vostra chaptenensa, Don sui chaptenensa, Tenc ades el còr, E si tot m'acòr, Ges mos cors non sia D'amar finamen Vos, on que ieu sia, E si tot no m'en Jauzisc de fin cor verai ............ ............. Devetz m'esser veraja. Vostre cors m'agensa Tant, quar ades gensa, Que mos cors en mòr, E non ai demòr D'autra bell'amia. E puesc a la gen Dir que non etz mia, Qu'al vostre cors gen Mi dei cui amors m'atrai, E d'amar vos no m'estrai, Ni crezatz quem n'estraja Per nulh mal qu'eu en traja. Dompna de valensa, S'eram faitz valensa, Ja mais per nulh fòr Non issirai fòr De vostra bailia, Tan la truep plazen ............ ............ Quar tot quan vos platz mi plai, Que res qu'ametz nom desplai, Ni crezatz quem desplaja Nulha res qu'a vos plaja. Bella dona, ges no sai, Quous puesca per nulh essai Tochar jos vostra saja, S'ans merces nous assaja. |
Metrical pattern: 179