| |
|||
| prosody | miscellaneous |
Alexandris fon le plus conquerens E le plus larcs de nostres ansesors, E Tristantz fon de totz los amadors Lo plus leals e fes mais d'ardimens, Etz Ectors fon le meillers, ses falhensa, De cavalliers en faz e en parvensa, E plus cortes Gualvanz totes sazos, E plus savis fon le reis Salamos. Si eu agues aquetz bons fazemens, Mielz m'estera c'als dos emperadors Ni als dos reis, sitot an grans onors Ni gran poder de terras ni d'argens, Que fora rix de bella captenensa, Larcx e leials et arditz ses temensa, Savis e pros, unilz e amoros, E for'en Dieu servir m'entensios. |