| |
|||
| prosody | miscellaneous |
En Pelicer, chausez de tres lairos, A qual pres piez per emblar menuders: Que l'uns perdet lo pe per dos capos E·l poing destre, e pois fon senestrers! E·l segonz fo penduz per dos deners, Mas aqui ac un pauc trop de venjanza! E·l terz fo orbs, car emblet una lanza E la capa al monge de·l Mosters. Seingner Blancaz, aquo lor es granz pros Q'a vos parec q'az els fos destorbers! Q'eu vi Durban, quant er'atals com nos, Anar a pe, mas er a dos destrers! E·l penduz es fora de consirers, Que non a freit, ni fam, ni malananza! Et en l'orb trob aitan de megloranza, Qe jamais sols non ira volunters. |
Metrical pattern: 325