| |
|||
| prosody | miscellaneous |
Puois de mon chantar disètz Que·us agradas a sobrier, Un nou son gai e legier Aujatz ab que·s poiran feingner Seill que son adreg e gai! Car de mi mezeis non sai Si·m po valer ab midons alegrajes, Pois no m'i val fes ni covens ni gatges. E vos que non entendètz D'Amor ni n'es costumier, No·m teingnatz per ufanier Si·m planc, car me volc esteingner La dolors c'al cor mi jai! Car nuls hom, per re qu'esai, No po saber dels amans lor usatges, S'Amors no·l vens e sos rics poderatges. Domna, vos que conoissètz Qu'ie·us am de fin cor entier, Jes per dich de lausengier No·m deves de vos enpeingner! Que tort fai qui·l sieu dechai, E sel que de mi·us retrai Ren que destrics me sia ni dampnatges, Vos deu esser enojos e salvatges. Bona domna, si temètz Que non aiatz cavallier En mi tal co·us a mestier, D'aitan vos deves destreingner Per lo bon voler qu'ie·us ai Qu'ancaras m'atendatz mai Que jes aillors no·s vir vostre coratges, C'al mens vos er honratz mos homenatges. Que·s fara vostre rics prètz E la beutatz que·us sofier Ni·l cortes dig plasentier, S'a lui no·us laissatz ateingner Que·us ama de cor verai E vas autra part no·s trai Qu'el mon non es proesa ni paratges Que no'l baisses nonsens e cors volatges. |
Metrical pattern: 749f