| prosody | miscellaneous |
N'Eble, pus endeptatz Etz, doncx si teniatz Ahora vostr' amia Nuda entre vostres bratz Per far que que-us vulhatz, Chauzetz qual vos plairia: Qui vos aportaria Mil marcx e vos dizia: N'Eble, si-us levavatz E d'aqui-us moviatz, Yeu los vos donaria! Mas aital vuelh que sia, Que jamais nueg ni dia Ab lieys noqua siatz, Soletz ni ab solatz, Per nom de drudaria. E cauzetz qal que sia, No-y gardetz cortezia! Que, la qual que prendatz, Ben say qual volriatz Ni quals mais vos plairia. En Gui, be-m demandatz Cum hom desesperatz E cum selh qe faria Per aver malvestatz! Mas de me vuelh sapchatz, Que, qui m'aportaria Tot l'aver q'ieu metria, :s'om trobar lo podia, De lieys, on es beutatz, E guayeza, e solatz, Mos fis cors no-s partria, Ni far non o poiria Per nulha ren que sia! Mais am guays endeptatz Esser que ricx malvatz! Qe ricx suy, sol guays sia, E guays, quan vey m'amia! Quar ses lieys no viuria Nueg ni jorn, so sapchaz E doncx que-m demandatz, Mas per quan m'auciria |