| prosody | miscellaneous |
En Gui d'Uisel, be-m plai vostra cancos, Car disetz mal lei qe lauzes antan! Se-ll dizetz mal, ella no-i a null dan, Qe cavalier deu meill amar qe vos! Qe s'ela-us det s'amor nesciamen, Pois la-us estrais aconsillaidamen, Ges per aicho no-ill deu esser blasmat, Deis q'el' eissa se conoc sa foudat. En Gui d'Uisel, un cavalier valen Valetz vos be en maint fait avinen! Mas de clerge no es acostumat Qe dompna l'am, anz ll'es totz temps blasmat. |