| |
|||
| prosody | miscellaneous |
Fuilheta, vos mi preiatz qe ieu chan, Pero non hai ni seinhor ni vezi, D'aqest afar aia cor ni talan Ni vueilha ges q'en chantan lo casti. Mas vos o tenes a jòia Amta ab pro mais qe honor ab dan; E aves mal chauzit, al mieu semblan. La raucha vos don cridaz en chantan, E·l niegre cors don semblas sarrazi E·l paupre mot que dizes en contan, E qar flairaz sap e gema e pi Con avols gens de Savòia, E qar es lag garnitz e mal estan, Ab qe·us n'anes, farai vostre coman. |
Metrical pattern: 347